黃泥涌水塘公園 淪樂園

上一篇主題 下一篇主題 向下

黃泥涌水塘公園 淪樂園

發表  Harrison 于 2013-01-19, 12:09

http://orientaldaily.on.cc/cnt/news/20130119/00190_001.html


考吓大家,請列出禮賓府同黃泥涌水塘公園嘅三個相同之處。無錯,其中兩項相同之處係,佢哋都擁有逾百年歷史、都係受到保護嘅法定古蹟,至於另一項相同之處就係,佢哋都淪為烏煙瘴氣嘅私人燒烤場!

大家應該仲記得,曾蔭權當家時候嘅禮賓府好似無掩雞籠,成為「八十後」BBQ聯歡場所。哈,諗唔到咁荒唐一幕居然喺港島黃泥涌水塘公園重演。本報自去年十月起多次直擊,日間供市民泛舟消閒嘅水塘公園,入夜關閉之後變成康文署外判員工嘅野火樂園,每逢假期夜晚,熱鬧咯,胡鬧咯,幾十人當正公園係私家花園,又BBQ,又煲煙,又隊啤,又追逐,次次留低大量垃圾,餐餐搞到烏煙瘴氣,咁搞法,水塘公園點止係法定古蹟,直頭大把污漬添啦。

嗱,法定古蹟被搞到烏煙瘴氣都係其次,最驚係一旦發生意外,咁就大件事喇。你知啦,野火樂園即係惹火樂園,萬一失火令古蹟受損,邊個賠得起呀?水塘公園被列得法定古蹟,梗係好珍貴o架啦,康文署監管不力,簡直失職兼失敗!

康文署點解釋呢?佢哋話喎,水塘公園範圍內係唔准燒烤嘅,經了解後,公園承辦商承認喺上年底曾經兩次舉辦員工及家屬聯誼燒烤活動。該署仲話,喺上年七月曾接獲同類投訴,並向承辦商發出勸喻信;對承辦商一再違反合約,該署已發出嚴厲譴責及警告信,之後會作突擊巡查同監察咁話。

嗱嗱嗱,係咪離譜吖?上年七月收到投訴,發完勸喻信就當做咗嘢,又唔跟進,又唔巡查,完全無王管,惹火樂園唔愈燒愈旺至奇啦,康文署咁不負責任,究竟係保護法定古蹟,定係破壞法定古蹟呀?所以話,港產官僚外判工作,連責任都外判埋,唔怪得保育工作愈嚟愈似呢個水塘公園啦,唔係歷史悠久呀,係一樣咁水皮咋!

講開保育,真係唔講猶自可,一講把鬼火。嗱,何東花園極具歷史價值居然隨時被拆毀,舊政府總部西座毫無保育價值反而被保留,應該保嘅唔保,唔應保嘅就死都攬住,咁樣搞保育,簡直本末倒置,九唔搭八!

咁講啦,如果話黃泥涌水塘公園係一座活化石,畀市民睇到歷史滄桑,咁港產官僚嘅頭腦就係食古不化嘅大岩石,畀市民睇到港府保育政策一塌糊塗。咁啦,如果官老爺無心又無力保護法定古蹟,不如退位讓賢啦,主動調職守水塘,話唔定對保育貢獻仲大o架,係咪?


avatar
Harrison

文章數 : 5715
積分 : 7114
威望 : 0
注冊日期 : 2012-01-29

回頂端 向下

回復: 黃泥涌水塘公園 淪樂園

發表  Harrison 于 2013-01-19, 12:10

http://orientaldaily.on.cc/cnt/news/20130119/00176_085.html


具歷史價值的港島南區黃泥涌水塘公園,每逢假期晚上,關閉後的公園旋即變成康樂及文化事務署外判員工的私人野火樂園。本報自去年十月起多次直擊公園內違例舉辦燒烤聯歡會,高峰期有近四十人聚集在公園內圍爐燒烤,肆意吸煙又飲啤酒聯歡,將政府公園當成私家後花園,招呼一眾親朋。學者擔心燒烤活動會污染水塘同時,一旦留下火種更會波及古蹟。

黃泥涌水塘公園建於黃泥涌水塘上,當中水壩、水掣房及溢流口於○九年被列為法定古蹟。但因水塘儲水量少,上世紀七十年代已停止運作,並在八十年代加建成公園,開放給予公眾休憩,公園內還有水上單車及划艇供租用,讓市民遊塘,而公園只於「朝九晚六」開放。

剛過去的大除夕晚,公園在關閉後,舉辦一個私人燒烤聯歡會,出席人數近四十人。約晚上七時許,「賓客」陸續前來,並先致電園方職員開門。其時平台已臨時加設多個燒烤爐,並擺放多枱桌椅,桌上放有燒烤食物及大量啤酒,未幾園內便火光熊熊,陣陣烤肉香味充斥整個水塘範圍。至晚上十時許,聯歡會仍未完結,不少成人飲至醉醺醺,並手持香煙談天說地;部分小童亦玩得忘形,在平台追逐。

但是,平台側有條斜路伸延至水中,中間只有一道矮閘阻隔,偶一不慎,「賓客」隨時掉到水塘。此外,水塘附近為重重樹林,如留下火種,隨時波及古蹟。

然而,該公園並非康文署可供燒烤的公園,園內亦沒有燒烤爐,更嚴禁吸煙,惟燒烤聯歡會卻一再舉辦。去年十月至今,記者先後三次目擊園內舉辦燒烤聯歡會,最少一次也有十多人參與,同樣又煙又酒。記者曾向在場職員查詢燒烤活動是否公開及收費,職員表示為家屬及朋友聯誼,外人不可參與。而每次聯歡會翌日,公園總遺下大量垃圾需「執手尾」。

承辦商辦員工燒烤 已遭譴責
康文署發言人直指,不允許在公園範圍內燒烤,經了解後,公園承辦商承認曾於去年七、十一、十二月於公園關門後,舉行屬員工及家屬聯誼的燒烤活動,當中不涉商業行為。另該署已向承辦商發出嚴厲譴責及警告信。
avatar
Harrison

文章數 : 5715
積分 : 7114
威望 : 0
注冊日期 : 2012-01-29

回頂端 向下

上一篇主題 下一篇主題 回頂端


 
這個論壇的權限:
無法 在這個版面回復文章